لاندینی لارښوونې باید په خپل ماشوم باندې په دوامدار ډول عملي کړو چې پدې کې دماشوم مورډیر مهم او اساسي رول لوبولی شي :

1- د حمل په موده کی قرآن ته غوږ شی.

جنین پدی کار سره نفسی او روحی اغیزمن کیږی، کله چی د ماشوم مور تلاوت کوی یا ورته غوږ نیسی البته د راحت احساس کوی چی دغه احساس په جنین هم تاثیر کوی نو کښښ وکړی  د حمل په موده کی ورځنی تلاوت وکړی لږ وی او که ډیر وی په ماشوم باندی اغیزه کوی  ٠

2- کله  چی ماشوم د تی رودلو په حالت کی وی هم دقران تلاوت کوی او یایی اوری.

په ورځ کی لس یا پنځلس دقیقی تلاوت چی وشی ښه به وی او دا تلاوت د ماشوم ذهن له قران سره روږدی کوی او په راتلونکی کی له ماشوم سره د قران په حفظولو کی مرسته کوی٠

3- د ماشوم په مخکی تلاوت کوی

4- ماشوم ته مو یو ځانگړی قران هدیه کړی

ماشوم ته دلو بو د اسبابو په څیر قران هم هدیه ورکړ او دا قران دده په نامه کړی٠

5- د قرآن ختم په ورځ یو محفل جوړ کړی.

که تاسو دقران د ختم په ورځ کوم محفل برابر کړی او خپل ماشوم ته پکی یوه ډالی هم ورکړی د ماشوم شوق او علاقه له قران سره ډیریږی او هرکله پدی فکر وی چی کله به بیا قران ختموو٠

6- ماشوم ته مو د قرآن کیسی وکړی.

د ماشومانو داخاصیت دی چی کیسی ډیری خوښوی نو تاسی مو ماشوم ته د قران کیسی ډیری کوی او د کیسو په منځ کی ورته هماغه مربوط آیت هم تلاوت کوی ترڅو د ماشوم اړیکی له قرآن سره ډیری شی٠

7- ماشوم ته قرانی مسابقی جوړول

که ممکنه وی مور دی خپل ماشومان په خپلو منځوکی په قرانی مسابقو سره بوخت کړی او یا مور تری داسی پوښتنی وکړی چی د ماشوم له سویی سره برابروی.

مثلا: د قریش په سورت کی د سفر  په کوم نامه یاد شوی ځواب یی رحله دی او یا د قریش په سورت کی د کال د فصلونو یادونه شوی دا کوم ځای دی ځواب یی الشتا؛ والصیف دی او داسی نوری پوښتنی چی د ماشوم له سویی سره برابری وی٠

8- محیطی عناصر له قرآن سره و تړی

لکه د مځکی ، اسمان ، ستورو ،سپوږمی او داسی نورو ارتباط له قران سره ښیی٠

9- قرانی مسابقی کوی

له ماشوم څخه پوښتنه کوی چی پلانی کلمه په کوم ځای کی ده نو هغه مجبوریږی له قرانی قاموس څخه استفاده وکړی چی پدی وخت کی له ډیرو آیتونو سره آشنا کیږی او ددی پوښتنو طریقه باید د ماشوم له سویی سره برابره وی لکه تری به پوښتنه کوی چی د الفلق کلمه په کوم ځای کی ده٠

10- قرآن مو له ماشوم سره ملگری کوی

په هرځای کی باید له ماشوم سره قران وی مثلا د عمه سپاره باید ورسره وی دا مو دماشوم روح آرام ساتی او د ډار او ویری پر وخت مطمین وی، البته ماشوم مو لمړی باید د قران په آدابو پوهولی وی٠

11- ماشوم مو په ځانگړو وسایلو له قران سره نیژدی وساتی

مثلا د قران د تلاوت سیډیانی او کیسټی ورته واخلی یا هغه قرانی تلویزیونی چینلونه ډیر نیسی چی تلاوتو نه په ښه غږ ږدی چی دا ډیر مهم دی ځکه ماشوم مو هم غواړی د هغو په څیر شی او ددی لاری ډیر هڅیږی٠

12- ماشوم ته مو تعلیمی سیډیانی واخلی

که ممکنه وی ماشوم مو په داسی سیډیانو عادت کړی چی ماشومانوته پکی قرانی یا دتجوید یا داسی نوری علمی ښوونه کیږی چی لدی لاری مو دماشوم تلاوت سمیږی٠

13- ماشوم مو مسابقاتو کی برخه اخستو ته وهڅوی

په جومات کی، مکتب کی او یا کور کی په مسابقاتو  کی برخه اخستو ته مو ماشوم  وهڅوی ځکه ماشوم هرکله غواړی جایزه وگټی او داهم د قران سره د علاقی او د حفظ ښه لاره ده٠

14- کله چی مو ماشوم تلاوت کوی غږ یی ثبت کړی

د ماشوم غږ ثبتول ماشوم دقران حفظ ته ډیر خوښی په ځانگړی توگه کله چی بیرته خپل غږ واوری نو احساس کوی چې دى هم کولای شي قران یاد کړي.

15- د مکتب په پروګرامونو کې پرې تلاوت وکړي.

د مکتب له مدیراویاله استادسره اړیکه ونیسي او ورته ووایي چې کله یې ماشوم تلاوت کوي غلطیانې یې اصلاح کوي چې په دې سره ماشوم دقران حفظ ته ډیر هڅیږي په ځانګړي ډول کله چې داستادانولخوا وهڅیږي.

16- له ماشوم څخه موقراني کیسې اوري

کله موچې ماشوم قرانی کیسې کوي تاسوورته چپ کیني او داسې ښیي لکه چې هیڅ موداکیسې نه وي او ریدلي اوکله چې موماشوم غلطیږي تاسویې غلطي ور ښیي.

17- کله ناکله موماشوم دامامت لپاره مخکې کوي

کله ناکله موماشوم د امامت لپاره مخکې کوۍ اوکه دماشوم امامت په نوافلوکې وي ښه به وي.

18- په کورنۍ حلقه کې موماشوم گډوي.

په کورنۍ کې مودتلاوت یوه حلقه جوړه کړي که ممکنه وي هره ورځ دا حلقه د 5 دقیقو لپاره کوۍ.

19- ماشوم مودجومات حلقې ته لیږي

 دا دماشوم لپاره ډیره ښه ده اودتجوید په ښه کولوکې یې ورسره مرسته کوی٠

20- که مو ماشوم دقران په هکله درڅخه وپوښتل ښه ځواب ورکړي.

که مو ماشوم دقران په هکله درڅخه کومه پوښتنه وکړه تاسو ښه په دقت او په طریقې ځواب ورکوي

21- ماشوم ته موقراني قاموسونه واخلي

ماشوم ته مو دهغه له سویې سره برابر دماشومانوقاموسو نه واخلي ترڅودمعانیوپه پوهیدوکې خپله خپل مشکل حل کړي.

22- ماشوم ته مودقران دتفسیر آسانتیاوې برابرې کړي.

ددی لپاره چې ماشوم مو په تفسیر څه ناڅه وپوهیږي دتفسیرسیډیاني،کیسټې اوکتابونه ورته واخله او هغه تفسیرونه ورته وانخلي چې په کې د مفسرینو اختلاف دي.

23- ماشوم مو له اهل علم سره په ارتباط کې لري .

ماشوم مو تل علماو ته ورولي له هغو سره یې ناسته پاسته ډیره کړۍ، ځکه دامو ماشوم ته داجرت ورکوي  چې له علماوسره دیوې موضوع په اړه بحث وکړي ٠

24- د ماشوم تعلیمي منهج له قران سره تړي.

کوم کتابونه چې موماشومان په مکتب کې وایي له قران سره ارتباط ورکوي٠

25- ورځنیو احادیثوته له قران سره ربط ورکوي .

دبېلكې په توګه ځينې احادیث داسراف په اړه نازل شوي له قراني ایاتو سره ارتباط ورکوي٠

له دې لارښوونو څنګه ګټه اخلي؟

لمړی دا پاڼه پرینټ کړۍ،بیادالارښوونې په څوبرخووویشي آسانه اودتطبیق وړترې جداکړي اوپرې عمل وکړي
اوهرکارمودماشوم له سویې سره برابر سرته رسوي٠

 سرچینه: اخوان انلاین