ويم څپرکی: د باورونډه
۲۲ - کوم ډول چې انسان باور کوي، په هماغه ډول فکر هم کولای شي. د انسان باورونه هره شېبه دا خبره انسان ته ور القاء کوي چې څنګه فکر وکړي.
۲۳-  د انسان وړتیا د هغه باورونه تعینوي. او په په ریښتیني ډول هم د ژوندون قانون د باورونو قانون دی، هر هغه څه چې انسان باور لري هماغه څه خلق کولای هم شي.
۲۴ باور د اند تعینونکی او اند د اقدام لومړنی شرط او اقدام د لاسته راوړنو اړین لامل دی
۲۵ اقدام د باورونو د پخولو اړین لامل دی. نو اقدام وکړﺉ ترڅو پاخه شﺉ او اندونه خلق او پیدا کړﺉ.
۲۶ که ته پر ځان باور پیداکړې نو ټوله هستي به پر تا باور وکړي. دنیا او ټولې ښکاره ښکلاوې به تاسو ته وخاندي او هرڅه به ستا سو پر خوښه ترسره شي.
۲۷ که ته غواړې چې پوه شې نور ستا پر وړاندې څه احساس او باور لري نو لومړی ته ووایه او فکر وکړه چې ته پخپله د خپل ځان په اړه څه احساس او باور لرې؟ نو پر ځان باور وکړﺉ چې نور هم پر تاسو باور وکړي.
۲۸ د انسان مقام او لوړوالي ته په پام هر ډول نا باوري، بې هویتي، ناهیلیتوب او کمزوري د انسان له مقام، لوړوالي، ښکلا او ځواک سره اړخ نه لګوي او ورته مناسبه.
۲۹ د یقین دنیا د باورونو دنیا ده. د ارادې، پریکړې او اقدام دنیا؛ د زیار، بریالیتوب،هوساینې، نیکمرغۍ او بختونو دنیا ده.
۳۰ څوک چې پر ځان باور نه لري، د ژوند په ټولو چارو کې له تردید او ابهام سره ژوند کوي او تل پر نورو پورې تړلي وي ځکه چې په يوازې توګه د پرېکړې او ټاکنې ځواک نه لري.
۳۱ د تردید دنیا د ځپلو او بې هویتۍ دنیا ده، یا هم پر نفس د نه اعتماد او پر ځان د کمزوري باور دنیا ده.
۳۲ پوهه او مالومات د انسان د باورونو د بنسټ ښکلا ده. څوک چې ډېرپوهیږي پر ځان ډېر باور لري. نو د خپلو مالوماتو په ډېرولو سره د جهل او نادانۍ له ضررونو ځان وساتﺉ.