مديريت په لغت کې د (يوه سازمان) د اداره کولو په مانا دى ولې نن ورځ د انساني سازمانونو په چټک پرمختګ او ودې سره چې د تمدن د پراختيا او د اړتياوو د روښانه کېدو له امله رامنځ ته شوى دى، مديريت د لارښوونې او يا داسې بشپړو شوو پوهو د ټولګې په مانا دى چې له لارې يې وګړي په سازمان کې د غږملتيا په رامنځ ته کولو سره د هغې اغېزمنتيا ډېروي.

مديريت د پلان جوړونې د علم او هنر له اټکل څخه عبارت دى. مديريت عبارت دى له تنظيم څخه (د کار وېشل  او د دندو ټاکل). مديريت عبارت دى له لارښوونې او رهبرۍ څخه (تر لاس لاندې وګړو ته لارښوونه او د هغوى په زړونو کې د نفوذ پيدا کولو وړتيا). مديريت عبارت دى له څارنې او کنټرول څخه (د وګړو په کړو وړو څارنه او د هغوى د تېروتنو سمونه) او په پاى كې مديريت عبارت دى د غږملتيا له رامنځ ته کول او د کار کوونکو تر منځ د سېسټمي کتنې رامنځ ته کول.

ټول ياد شوي بحثونه په سازماني سرچينو باندې ترسره کېږي چې د هر سازمان تر ټولو مهمه او ارښتناکه شتمني د هغوى انساني منابع (کارکوونکي) دي او وروسته نور دې ته ورته منابع لکه فزيکي، مادي او مالوماتي شتمنۍ په کتار کې راځي.

مديريت په اغېزناکه او ماهرانه ډول د مادي او انساني منابعو د لارښوونې او کنټرول د پلان جوړونې، تنظيم او د امکاناتو او منابعو د سمبالونې لړۍ ده چې د سازمان د موخو د تر لاسه کولو لپاره او د منلو وړ ارزښتناک نظام پر بنسټ ترسره کېږي.

پورته ياد شوى تعريفونه لاندې کليدي مفهومونه او معناګانې لري

۱- مديريت يوه لړۍ ده.

۲- د مديريت مفهوم او مانا د انساني جوړښت لارښوونه ده

۳- اغېزناک مديريت وړ پرېکړې کوي او غوښتل شوې پايلې ترلاسه کوي

۴- مديرانه تخصيص او لګښت ته ګټور مديريت وايي

۵- مديريت په موخو لرونکو کړنو باندې تمرکز کوي

د مدير دندې

پلان جوړونه: پرېکړه کول چې بايد کوم کارونه ترسره شي.

نظم او ترتيب: نظم داسې لړۍ ده چې په بهير کې يې د وګړو او کاري ډلو تر منځ د کار وېشل او د موخو د تر لاسه کولو په اړه د هغوى تر منځ غږملي رامنځ ته کېږي.

لارښوونه او رهبري: دا دنده يعنې د سازمان د موخو د تر لاسه کولو په اړه ترلاس لاندې وګړو ته د انګېزې او ذوق د رامنځ ته کولو لپاره د مدير هڅې.

کنټرول: کنټرول غوښتل شوو موخو ته د رسېدو يوه منظمه هڅه ده.